Bread-TV.com

收看節目 收聽節目 下載 下載的標籤

節目名：謝霆鋒挑機加拿大名廚 帶領中菜步向世界

主持 : Bread-TV 家族

內容：被稱為「Chef Lemon」的謝霆鋒無懼與加拿大星級名廚David Rocco比試廚藝，兩人將在一連五集的節目《名廚爭鋒》中，在澳門、順德、馬尼拉、怡保及吉隆坡展開中西烹飪大對決，二人更要蒙眼下廚一較高下。節目於3月25日首播第一集，霆鋒身在廈門接受訪問，談及對戰David Rocco，一向信心爆棚的他都承認好大壓力，亦有留意對手的烹飪節目：「佢捉到每個地方、或者國家唔同料理嘅精髓神髓、係捉得幾準，我好佩服佢嘅精神，而佢優勝地方係，佢係意大利人，細細個就跟阿嫲入廚，煮嘢食嘅經驗耐我好多。」
問到可有鑽研新招應戰？霆鋒謂：「其實每去一個地方之前，都會Search吓當地嘅出名食材同菜式，一定會做一啲準備，始終係比賽。而順德出名係鯪魚、河鮮同炒鮮奶，所以我會創一道菜，會包含幾道菜式喺入面，好似有煎釀鯪魚嘅影子，有大良炒鮮奶混合喺入面，呢個係我自己Fushion嘅方法、係會分組再重組。」
霆鋒稱接拍這個節目後很多人對他說：「玩咁大？今日嘅鋒味喺中國算係首席美食節目，攞自己去賭？咁輸咗呢？當然我自己覺得有得打，有信心先去嘅。為自己『鋒味』呢個品牌，我願意行到咁盡。老土啲講句，絕大部分嘅西方廚、西方人，一提到中菜都覺又重味又重油，我今次用我嘅方式又好、方向又好、Fushion又好，希望畀世界各地人睇到中菜都可以係健康、係時尚，如大家想維護中菜，要慢慢行出世界多一步。」