Bread-TV.com

收看節目 收聽節目 下載 下載的標籤

節目名：G.E.M.寸爆反擊：誰能像我

主持 : Bread-TV 家族

內容：熱播中嘅內地選秀節目《中國新說唱》話題十足，其中唯一嘅女導師鄧紫棋（G.E.M.）被網民指rap經驗尚淺，質疑其資格。G.E.M.今次除咗想借作品Show Quali，最主要係想證明畀大家睇，女仔都一樣可以喺男性主導嘅rap界立足，闖出一片天。所以佢一開始就叫所有女孩企起身，仲暗寸啲睇唔起女性嘅人：「把你石器時代的思想全都拋開」，之後再一連串rap出自己嘅威水史：「誰能像我，早在二十五歲，開百場的巡迴，Live從不對嘴」完全霸氣盡現！ 之後，G.E.M.更加大玩節目中非常重視嘅押韻，仲實行嚟個12押，rap實力絕對不容忽視！片段一公開，G.E.M.就逆襲成功，唔止獲得粉絲力讚，更有好多早前抨擊佢嘅網民，都紛紛留言話跌晒眼鏡，並向G.E.M.道歉，更加力撐佢嘅實力拍得住一眾男導師，絕對係實至名歸！