收看節目
瀏覽人次:42336次

收看節目 收聽節目 下載

節目名:李彩華米蘭朝聖險被偷嘢

主持 : Bread-TV 家族

內容:李彩華喜歡旅行,曾踏足多個不同國家,惟獨歐洲令她情有獨鍾。一向孝順的她,早前偕同母親到意大利,首站到了當地最著名的米蘭大教堂(Duomo di Milano),它坐落於米蘭市中心的大教堂廣場,是意大利最大的教堂。身為教徒的Rain表示,多年來一直希望到此一遊:「因為建築好宏偉,好有宗教味道。入到去成個環境好安靜,連心境都變得好平靜,可以洗滌心靈,大開眼界。」喜歡買磚頭作投資的Rain,直言曾有意在歐洲置業,亦諮詢過當地朋友的意見,她說:「歐洲嘅生活、文化同天氣都好易適應,畀人一種好舒服嘅感覺。朋友介紹話喺西班牙置業港幣幾百萬就得,去其他歐洲國家都係幾個鐘頭飛機,感覺都幾方便。就算唔係長住,有時間去度假都好,總好過成日住酒店,或者日後有機會喺嗰度歎世界。」 可是基於治安問題,令Rain需要慎重考慮:「歐洲治安係一個問題,好似喺米蘭嗰陣,有次喺火車站見到有兩個大肚婆,成日喺我身邊出現,因為我知好多小偷會扮成大肚婆行事,會將啲偷到嘅嘢放入假肚,結果同行嘅私人導遊拆穿咗佢哋,點知嗰兩個大肚婆仲惡過我哋,不停喺車站大叫,跟住導遊帶我哋離開,有驚無險。」