收看節目
瀏覽人次:46470次

收看節目 收聽節目 下載

節目名:吳若希宣布好消息勁興奮

主持 : Bread-TV 家族

內容:歌手吳若希(Jinny)以表演嘉賓身份,盛裝打扮出席慈善晚宴,甫受訪就急不及待指有好消息公布,記者問到是否宣布再佗B?她笑笑口否認,並興奮開估指:「我隻結婚戒指唔見咗成個月終於搵番啦!(喺邊度搵番?)喺廁所啲罅隙發現,喺香港住嗰間屋係放租嘅,好彩未租到出去,係喺舊屋搵番嘅!(係你手上面戴緊個隻?)係!」 問到老公知唔知唔見戒指?Jinny大笑謂搵番先同老公講:「之前都試過唔戴戒指,我同佢講驚成日唔見,要好好收藏,所以佢都冇為意,依家搵得番個心都定晒!(如果搵唔到呢?)偷偷地買番隻。(幾時買?)隨緣啦,可能畀佢發現先買。」講到無綫勁歌頒獎典禮在即,問到可有信心攞獎?Jinny坦言冇特別信心,只抱住參加聚會心情出席:「睇人哋攞獎自己都開心,無論咩結果都冇所謂,重點都唔喺獎度。」